متوسط مرتبات المبرمجين في مصر
بسم الله الرحمان الرحيم هنتكلم عن متوسط مرتب خريجي كليه حاسبات ومعلومات ومتوسط مرتبات المبرمجين في مصر بشكل عام وطبعا طالما ذكرنا البرمجه فاعرف ان مجالات البرمجه كتير جدا ولاكن في الموضوع ده هنتكلم عن اهم المجالات واللي معظم المبرمجين في مصر شغالين فيها.
- متوسط مرتبات مجال الويب web developer
- متوسط مرتبات مجال الموبيل ابليكشن mobile application development
- متوسط مرتبات ال system administrator
- متوسط مرتبات مجال (IT)information technology
متوسط مرتبات مجال الويب web developer
- بالنسبه ل الdeveloper ui , ux
- متوسط مرتبات الفرنت اند front end developer
- وده وظيفته انو يحول التصميم ده لكود وبيكون مرتبه مابين 3500 الي 5000 اي تقريبا مثل ال ui , ux developer ولاكن ده كمبتدء , او خبره من سنه لسنتين ويقدر يشتغل فريلانسر جمب شغل الشركه ويزود مرتبه عادي , ولاكن لو خبره اكتر من تلات سنين يكون مرتبه من 6000 الي
8000 الف جنيه تقريبا وبيفضل فتره ثابت عند المبلغ ده لمده سنه او اتنين وبعد كده
بيبقي خبرتو اكتر من ست او سبع سنين في الحاله ده يقدر يضاعف راتبو عادي جدا هو
وخبرتو فيه ناس بتوصل لتلاتين الف عادي جدا.
- متوسط مرتبات الباك اند back end developer
مرتيه يكون مابين 4000 الي 6000 كمبتدا , ولو خبره اكتر من تلات سنين من 9000 الي 12000 الف وبرضو بعد مايوصل لخبره اكتر من سبع سنين يقدر يطلب اللي هو عاوزه واللي تقريبا بيبقي الضعف.
- متوسط مرتبات الفل ستاك full stack developer
وده باختصار اللي بيبقي
شغال فرونت اند وباك اند الاتنين بيبقي راتبو كامبتدا مابين 9000 الي 12000 ولاكن
طبعا علشان تبقي full stack
developer لازم تبقي متمكن من
الفرونت اند والباك اند.
متوسط مرتبات مجال الموبيل ابليكشن mobile application development
- مرتبات مبرمجين الاندرويد في مصر
مرتبه كامبتدا مابين 5000 الي 7000 الاف جنيه , وبعد خبره تلات اربع سنين ممكن يوصل لعشره الاف , لاكن المجال ده صعب تتوقعو مجال الموبيل ابليكشن عموما لان كل يوم في جديد وكل يوم فيه تطور فابتفرق الشخص اللي بيقدر يطور نفسه بسرعه ده ممكن ياخد الضعف بينما شخص تاني ممكن يفضل بنفس المرتب لانو مطورش من نفسو وفضل عايش علي اللي هو عارفه بس.
- متوسط مرتبات ال ios developer
وده بيعمل تطبيقات بتشتغل علي الايفون وده راتبه بيبقي
اعلي شوي وبيكون كامبتدا مابين 6000 الي 9000 .
- اما بالنسبه لمرتبات ال flutter developer
وده نظام الشخص اللي بيتعلمه بيقدر يعمل تطبيقات بتشتغل علي الاتنين سواء نظام الاندرويد او ال ios وده لسه مش شغال في مصر بشكل كبير وشركات قليله اللي شغاله بالفلاتر ولاكن كمستقبل هي افضل مستقبل في تطبيقات الموبيل , والراتب لشخص مبتدا مابين 6000 الي 10000 ولاكن بعد خبره تلات او اربع سنين هيكون اعلي من كده بكتير قد تصل الي عشرين او تلاتين الف جنيه.
متوسط مرتبات ال system administrator
وده بيبقي عباره عن شخص مشرف علي البيانات اللي في
الشركه وقاعده البيانات هو اللي متحكم فيها وهو اللي بيدي لكل واحد في الشركه
صلاحيه انو يقدر يوصل لايه من البيانات وايه الحاجات اللي مينفعش يوصلها والمشكله
في الوظيفه دي انك لازم علي الاقل تكون خبره تلات او اربع سنين مش اي حد يشتغل
فيها لانك بتبقي في ايدك اهم حاجه في الشركه وهي بيانات الموظفين فالراتب بيبقي
مابين 10000 الي 15000.
ولاكن زي ماقولتلك لازم تكون اشتغلت وعندك خبره في
الموضوع جامد الاول.
متوسط مرتبات مجال (IT)information technology
اي تكنولوجيا المعلومات وهو شخص بيبقي شغلو
هاردوير وسيرفرات وشبكات وده راتبو كامبتدا مابين 4000 الي 6000 الاف جنيه وبعد
خبره تلات او اربع سنين تصل الي عشره الاف فما فوق.
ماهي خطوات ومراحل تعلم البرمجه من الصفر بلادله والامثله
