لاب توب مناسب بسعر رخيص
الخطوه الاولي قبل ماتدخل كليه حاسبات ومعلومات او انك تتعلم برمجه , هي انك تختارافضل مواصفات لابتوب لتعلم البرمجه وطبعا انت بتبقي محتاج لاب توب بسعر رخيص ، وافضل مواصفات للاب توب للبرمجه بالسعر القليل ده.
, فانا هحاول دلوقت اقولك علي افضل انواع اللاب توب ، وافضل المواصفات ، والحاجات اللي انت لازم تراعيها علشان تجيب لاب توب بسعر رخيص , ومتين , وسريع , ويقدر يقعد معاك اربع سنين الكليه.
او
تتعلم عليه برمجه خارج الكليه ويقعد معاك فتره التعلم كلها.
وفي الموضوع ده هنتكلم عن الاتي ..
1) هل لازم لاب توب لتعلم البرمجه
2) نوع اللاب توب
3) افضل مواصفات اللاب توب المناسبه ليك
1) هل لازم لاب توب لتعلم البرمجه
في بدايه الموضوع ممكن تتعلم علي التليفون عادي جدا وفيه ناس كتير بتعمل كده. ولاكن مع الوقت طبعا هتمل من التيفون وده بسبب الكتابه والشاشه الصغيره وكمان انت بتحتاج تكتب كود وانت بتتعلم الاتنين مع بعض وكده هتحتاج جهازين مش جهاز واحد.
بلاضافه ان انت لما تتعلم علي لاب توب مع الوقت هتكتسب خبره اكبر في التعامل مع اللاب توب وتفهم حاجات كتير انت مكنتش فاهمها واكيد طبعا الشركات اللي هتشتغل فيها هتشتغل علي اللاب توب مش علي التليفون.فلو انت لسه في بدايه البرمجه وومعكش فلوس تجيب لاب توب ممكت تشتغل علي تليفون فتره صغيره شهر او شهرين مثلا لحد ماتجيب لاب توب بحييث انك متضيعش وقت لحد ماتجيب لاب توب.
2) نوع اللاب توب
طبعا انواع اللاب توب كتيره جدا وفيه شركات كبيره جدا في المجال ده.بس طالما انت محتاج اللاب توب ده للبرمجه يبقي هما اربع انواع للاب توب اللي تختار مابينهم
Hp , mac(Apple) , Dell , Lenovo
مقارنه بسيطه بقي مابينهم علشان انت تختار الافضل
والمناسب ليك..
1) خفه الوزن
وده طبعا لانك كل يوم رايح جاي شايل اللاب توب فبتحتاج
حاجه وزنها خفيف علشان متتعبكش وتقدر تتحرك بيها وتروح بيها اي مكان بدون تعب ولا مجهود.
والترتيب بالنسبه لخف الوزن كالتالي
1) Lenovo
2) Mac(Apple)
HP (3
(4 Dell
2) المتانه
وطبعا ده لانك بتتحرك بيه كتير فهتحتاج حاجه جامده في
حين لو وقع منك او اتخبط في حاجه ميتاثرش
وبرضو الترتيب بالنسبه للمتانه فهو كالتالي
1) Dell
2) Aplle
3) HP
4) Lenovo
وطبعا لاحظت ان الترتيب هنا اتعكس وده طبعا لان مفيش
شركه هتقدر تديك متانه قويه وبيستحمل وفي نفس الوقت يكون وزنو خفيف فبتضر
انها تضحي بحاجه علي حساب حاجه تانيه.
مفيش بس غير Aplle تقريبا هي اللي بتقدر توفر اللي
اتنين الي حد ما بس طبعا ده بيجي علي حساب السعر برضو.
3) توافر قطع الغيار
يعني لولا قدر الله اللاب بتاعك وقع او اتخبط او حصلو اي
عطل تقدر تلاقيلو قطع غيار بسهوله واكتر نوعين قطع الغيار بتاعتهم متوفرين هما Dell,HP
بينما Apple,Lenovo اقل شويا وده لان اسعار قطع غيارهم غاليه
فبتبقي متوفره بشكل اقل شوي.
بعد مااخترت بقي نوع اللاب توب المناسب ليك من دول
هتبدا تختار المواصفات المناسبه ليك مع اي نوع جهاز انت
اخترتو.
والمواصفات اللي لازم جدا تاخد بالك منها لما تيجي تشتري
لاب توب هي كالتالي...
3) افضل المواصفات لللاب توب بسعر رخيص ومناسب لتعلم البرمجه
1) بروسيسور CPU
افضل المعالجات واللي هتبقي مناسبه معاك في السعر هي
بروسيسور من النوع intel
Core
i5
Core
i7
ويكون جيل سابع او تامن
وده اهم شئ في مواصفات اللاب توب بتاعك اي حاجه فيه ممكن
تتزود بعد كده عادي
ولاكن البروسيسور بلاخص مبينفعش يتغير وهيفضل معاك علطول.
2) رام Ram
متقلش عن 8 جيجا
علشان الجهاز بتاعك مهينجش ويكون عندو القدره انو يفتح
اكتر من برنامج عادي جدا.
3) حجم الشاشه
بالنسبه لحجم الشاشه كل مايبقي قليل كل مايبقي سهل انك
تشيل اللاب وتتحرك بيه ولاكن برضو لازم تختار شاشه كويسه مش صغيره اوي تتعبك وانت
شغال.
فافضل شئ 15 او 17 بوصه.
4) ميموري Memory
متقلش عن اتنين او تلاته جيجا وكل ماتعلي افضل بكتير
5) دقه الشاشه
FHD ودي طبعا
افضل في الجوده وفي الصوره عن HHD
6) الهارد ديسك HardDisk
افضل هارد بالنسبه للسرعه SSD افضل من HDD
ولاكن مساحته صغيره مقارنه بال HDD
ولاكن بشكل عام انت في البدايه مبتحتاجش مساحه كبيره
وكمان ممكن بعد كده ممكن تغير المساحه عادي جدا
فلافضل طبعا SSD
وفي النهايه انا بحاول اوصلك لافضل لاب توب وباقل سعر ولاكن طبعا لو انت معاك فلوس والميزانيه معاك فوق العشر الاف ففيه امكانيات عاليه جدا.
زي لابات الالعاب والجرافيكس وغيرو..
ولاكن انا بكلمك لو انت عايز تجيب لاب من 4 ال 7 او 8 الاف جنيه.واكيد الخطوه التانيه بعد اختيار اللاب توب المناسب هي انك تبدا في تعلم البرمجه فعلشان تبدا في تعلم البرمجه ادخل لتتعرف علي الطريق الصحيح لتعلم البرمجه
ولو عايز تعرف اكتر عن لاب توب مناسب خش هنا
