مسار تعلم برمجه الويب web developer

مجال web developer في الوقت الحالي من اكتر المجالات طلبا في سوق العمل ومن اكتر الوظائف البرمجيه اللي بيشتغل فيها مبرمجين كتير ومع ذالك لسه مجال الويب web developer محتاج عدد من المبرمجين كتير جدا منهم اللي شغال front end واللي شغال backend او اللي شغال التنين مع بعض واسمو full stack وكل ده هو ضحلك معناه دلوقت. والمجال ده بانصح اي حد مش في كليه برمجيه وعايز يشتغل بسرعه ويتعلم بسهوله لان فتره تعلم المجال ده صغيره بلاضافه ان تعلمو سهل.

ومجال الويب web developer فيه بيتقسم الي تلات مجالات ممكن تشتغل في اي حاجه منهم .

1) الفرونت اند Front_end

والشخص اللي بيبقي شغال في المجال ده وظيفته بكل بساطه ان هو اللي بيصمم الشكل الخارجي لاي موقع بيعملو

زي حجم الخط اللي بيظهرلك , شكل الزراير , الصور , الالوان والتاثيرات اللي بتبقي علي الصفحه . يعني مثلا تطبيق الفيسبوك هو اللي بيصمم ازاي يبقي شكل الصفحه الشخصيه , شكل العلامه اللي بدخلك علي الفديوهات , الزرار اللي بيرجع شكل البوست ازاي بيظهر ..

الخلاصه اي مظهر انت بتشوفو وانت بتقلب علي الفيسبوك او انستجرام او تويتر او اي تطبيق تاني الشخص ده هو اللي بيعمله .

المسار لتتعلم Front end

HTMLواللغه دي بتعلمك ازاي تعمل البناء او الجسم بتاع الموقع ولاكن بدون اي الوان او تاثيرات .

CSSاللغه دي هي اللي بتعلمك بقي تعمل الالوان للصفحه , حجم الزراير , حجم الصور وغيره .

JavaScriptودي اللغه المتخصصه باي حاجه فيها حركه زي التحرك في الصفحه من مكان لمكان , و تسجيل البيانات والتنقل من صفحه للتانيه .

2) الباك اند Backend

بينما الشخص اللي بيشتغل في المجال ده.. هو اللي بيكمل الشخص اللي فوق ده يعني هو اللي متخصص في الوظائف والعمليات اللي بتم واحنا مبنشوفهاش زي مكان تخزين البيانات اللي بتبعتها , واي لينك بتخش عليه ويوديك مكان تاني .

وده يعتبر الروح بتاع الموقع الفرونت اند بيعمل الشكل الخارجي بس بينما الباك اند هو اللي متخصص في اي عمليه بتم جوا الموقع ده .

المسار لتتعلم الباك اند Backend

هنا هتتعلم اللغات المتخصصه بتخزين البيانات والتعامل مع قاعده البيانات.. وفيه اكتر من مسار لتتعلم المجال ده انا هقولك علي اهم واشهر تلات مسارات , وميزه كل مسار واللي يعجبك اتعلمه.

جافا java وتتعلم معاها لغه متخصصه بقواعد البيانات

ويفضل مع الجافا اوراكل oracle , ودي تتعلمها لو عايز تعمل مواقع كبيره وفيها كميه بيانات كبيره او عايز تتعامل وتشتغل مع شركه كبيره .

سي شارب #c وتتعلم معاها لغه متخصصه بقواعد البيانات ويفضل مع السي شارب سيكوال سيرفر SQL server

ودي تتعلمها لو عايز تعمل مواقع تشتغل علي الويب والمحمول , وغيرو لان ده خطوه الشركه اللي مصممه اللغه دي والهدف اللي الشركه بتسعي اليه انها تعمل مواقع بتشتغل علي كل حاجه .

بي اتش بي PHP وتتعلم معاها لغه متخصصه بقواعد البيانات ويفضل مع البي اتش بي ماي سيكوال MY SQL

ودي يفضل لو عايز تصمم موقع صغيره ومش محتاج تخزن كميه بيانات مهوله ولا حاجه .

3) Full_stack_developer

وده شخص بكل بساطه بيتعلم المجالين , وبيعمل الوظيفتين ولاكن ده طبعا بيحتاج وقت ومجهود كبير

وكمان ميفضلش في مصر لان بيبقي فيه استغلال جامد من الشركات .

فيفضل انك تتعلم كل حاجه بمجال واحد وتكون مميز فيه بجانب يكون عندك خلفيه عن المجال التاني لان هتحتك بالشخص اللي شغال في المجال التاني كتير فعلشان تبقي فاهم الدنيا ماشيه ازاي .

لو عايز تعرف جميع مراحل تعلم البرمجه